Lugo acollerá o XXXVIII Campionato Escolar de Kung-Fu o vindeiro 19 de xuño, un evento deportivo que reunirá a máis de 330 deportistas de diversas idades e dos dous xéneros de toda Galicia. O campionato desenvolverase no Pavillón Municipal dos Deportes a partir das 17:00h, e poderase ver por streaming na canle de YouTube da Federación Galega de Kung-Fu.
A alcaldesa de Lugo, Lara Méndez, quen presentou esta mañá o campionato, destacou a importancia de “apoiar e promocionar este deporte” e indicou que “eventos deportivos deste tipo axudan a poñer a Lugo no mapa deportivo de España”.
A competición, que segue o protocolo aprobado pola Secretaría Xeral para o Deporte e non terá aforo, constará de dúas probas nas que se demostren os aspectos técnicos, estéticos e educativos do Kung-Fu e realizaranse por equipos. As categorías serán Benxamín, Alevín e Infantil, a primeira delas destianda só a deportistas da provincia de Lugo.
En canto aos premios, repartiranse tres premios por categoría, que consisitirán nunha medalla e trofeo e os deportistas non clasificados recibirán unha medalla de participación conmemorativa do campionato.
