O Museo Interactivo da Historia de Lugo acollerá os días 12 e 13 de xuño ás 20,00 horas unha nova proposta de danza “de calidade”, dentro do ciclo “Lugo en Danza”, promovido pola Concellaría de Cultura da cidade.
O Concello informou que a proposta en cuestión é “unha nova peza de artes do movemento” da compañía Kirenia Danza, titulada ‘Primeiro a vida’ e interpretada por los actores Esther Latorre y Xoel Álvarez.
As sesións terán lugar na Caixa Negra do MIHL, ás que os interesados poderán acudir de forma gratuíta reservando as súas entradas a través da Oficina de Turismo de Lugo.
Ademais, a concelleira de Cultura da cidade, Maite Ferreiro, explicou que o goberno local “segue programando actividades para encher os distintos espazos da cidade con propostas culturais de calidade e recoñecidas”.
PRIMEIRO A VIDA
A peza é “un eloxio dos coidados no que os corpos danzan unha antiga reivindicación”. O título desta fai referencia ao celebre verso do escritor e poeta surrealista André Bretón, “plutôt a vie”, lema do ‘Maio do 68 francés’, e que se pode traducir como ‘primeiro a vida’, ‘antes a vida’ ou ‘elixir a vida’.
Desde a compañía de danza detallaron que, “fronte á explotación, á precariedade e á morte que trouxo a pandemia, elíxese coidarse e proclamar: ‘Primeiro a Vida!'”.
