InicioCulturaAs obras de Rosalía e de Manuel María inspiran 122 videopoemas creados...

As obras de Rosalía e de Manuel María inspiran 122 videopoemas creados pola rapazada

O certame organizado pola Casa-museo de Manuel María recibe propostas elaboradas por mozas e mozos de ensino non universitario a partir da ESO.

PUBLICADA O

- Advertisement -

Un total de 122 traballos foron presentados á IV edición do Concurso escolar de videopoemas sobre composicións poéticas de Rosalía e Manuel María, unha vez finalizado o prazo de entrega este pasado luns, 26 de abril. Esta cifra supera as tres edicións anteriores deste concurso anual que a Casa-Museo Manuel María puxo en marcha no ano 2017.

Os traballos presentados ao certame pertencen a centros escolares espallados por toda Galicia, en concreto ás localidades de Vigo, Gondomar, Ribadumia, Ourense, Ferrol, Guitiriz, Sarria, Burela, Rianxo, A Coruña, Palas de Rei, Rodeiro, Sanxenxo, Xanceda, Panxón, Noia, Milladoiro, A Guarda, Portas, Porriño, Carballo, Narón, Marín, Portas e Lugo.

O concurso ten como finalidade a potenciación da creatividade artística, a través da conxunción da palabra, o son e a imaxe, e o coñecemento e difusión da obra poética de Rosalía de Castro e Manuel María. Nel pode participar o alumnado do ensino non universitario, é dicir desde 1º da ESO até o Bacharelato, incluíndo Ciclos Formativos.

Agora o xurado realizará un traballo de selección para determinar os finalistas desta edición, sen que estea predeterminado un número concreto. Desta maneira, o día 15 de maio proxectaranse os vídeos finalistas na Casa-Museo, coa asistencia das persoas que os realizaron, e o xurado emitirá o seu ditame dos dous mellores videopoemas desta cuarta edición.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...