- Advertisement -
EFE | O tenente de alcaldesa de Lugo e edil de Mobilidade e Infraestruturas, Rubén Arroxo, informou de que a Xunta de Goberno aprobará mañá a contratación das obras para construír a chamada rotonda de San Eufrasio, unha obra coa que se pretende eliminar un dos principais ‘puntos negros’ do tráfico urbano na cidade.
Con esa rotonda, nas inmediacións da estación de tren de Lugo, verase mellorada a circulación de vehículos e “aumentará a seguridade viaria”, dixo Arroxo, quen tamén lembrou que esta obra é agora posible pola cesión que fixo dese tramo de estrada a Xunta de Galicia.
O proxecto será adxudicado por 107.871 euros á empresa Ovisa Pavimentos e Obras, que terá un prazo de seis meses para completar a súa execución.
