A Garda Civil detivo un veciño de Lugo de 40 anos de idade como presunto autor dun delito de roubo con forza nas cousas por subtraer maquinaria valorada en 6.000 euros no polígono industrial de Meira.
Segundo relatou o Instituto Armado, os feitos tiveron lugar nunha nave situada no polígono industrial de Meira o pasado mes de setembro. Esta persoa detida en relación con este roubo foi posta a disposición xudicial.
Por outra banda, a Garda Civil detivo na localidade de Lugo o presunto autor de dous delitos de furto, un deles en grao de tentativa, cometidos o pasado mes de decembro no termo municipal de Láncara.
Supostamente dita persoa subtraeu dúas motoserras nunha explotación gandeira e tentou levar unha ingletadora nun alpendre anexo a unha vivenda. Foi posto a disposición xudicial.