Un grupo de voluntarias e voluntarios seguen activos na busca de Nena, un galgo que se perdeu en Lugo hai uns cantos días. A cadela chegou a Lugo tras ser adoptada por un veciño da cidade a través da asociación Galgo Español España. Piden a colaboración social para dar coa localización do animal, que foi visto pola zona de Fingoi, Acea de Olga, Sanfiz ou na contorna dos xulgados.
Nena é un galgo branco que se escapou da súa nova casa o día de Reis, quizais polo carácter medoso dos cans desta raza debido ás circunstancias nas que viviron previamente. Lembran que corre présa atopala, pois vén de ser esterilizada e cómpre facerlle un seguimento da medicación e da evolución.
Piden, iso si, que non se persiga nin se tente coller para non asustala. A maior axuda será avisar nos teléfonos 99 283 723, 666 083 811 ou 622 235 171.
