- Advertisement -
A Consellería de Sanidade informa este luns doutras cinco vítimas mortais da pandemia en Galicia. Dúas delas eran dous homes usuarios da residencia de maiores de Vilalba, de 82 e 65 anos, respectivamente.
Así pois, a área sanitaria de Lugo alcanza a cifra de 145 decesos por mor do coronavirus. Os informes do Sergas recollen dúas mortes menos na provincia, ao non contabiliizarse o de dous usuarios de xeriátricos que finaron en Santiago de Compostela.
Sanidade tamén notificou a morte dun home de 64 anos en Ferrol e a de dous varóns, de 75 e 92 anos, na clínica viguesa Povisa. Galicia chega así aos 1.346 falecementos.
