InicioMedioambiente e PatrimonioRisco de inundacións nos ríos Ser e Ladra, ao seu paso por...

Risco de inundacións nos ríos Ser e Ladra, ao seu paso por Navia e Lugo

O desxeo da nevada da fin de semana pasada, así como as copiosas precipitacións, provocaron un incremento no caudal fluvial.

PUBLICADA O

- Advertisement -

EFE | O aumento significativo do caudal dos ríos Ser e Ladra, ao seu paso por Navia de Suarna e Lugo, respectivamente, obrigou a activar o Plan Especial de Risco por Inundacións en Galicia, ademais de recomendarlle á poboación que adopte as correspondentes precaucións na contorna de ambos cursos fluviais.

Segundo informou a Axencia Galega de Emerxencias (AXEGA), os sistemas de control e seguimento da Confederación Hidrográfica do Cantábrico observaron “un aumento significativo do caudal do río Ser ao seu paso por Vallo”, en Navia de Suarna.

Como consecuencia do desxeo da nevada da fin de semana e das copiosas precipitacións, “é previsible a crecida do curso fluvial nas próximas horas”, polo que foi preciso activar o aviso por risco de inundacións.

EN ÍNSUA

Así mesmo, a Xunta de Galicia puxo en marcha o mesmo plan como consecuencia do incremento de caudal do río Ladra ao seu paso por Ínsua, no municipio de Lugo. “Os sistemas de observación da Confederación Hidrográfica Miño-Sil están a detectar niveis significativamente altos”, precisa a Axega, “o que fai previsible a crecida do río”.

En ambos casos, recoméndase á poboación que adopte as correspondentes medidas de protección se se atopan nas proximidades de ambos os ríos para evitar ser sorprendidos por un “aumento repentino do caudal”.

ÚLTIMAS

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...

A prisión un lugués por distribución de material sexual infantil

A Policía Nacional detivo a 16 persoas por posesión e distribución de material de explotación...