Os soportais da Praza Maior de Lugo acollerán este sábado ás 12:30 horas o espectáculo ‘Contos vellos, novos finais‘, do narrador oral Caxoto. Trátase dunha sesión dirixida a público infantil e familiar que procura rachar cos estereotipos de xénero e afondar na igualdade.

A actuación, prevista no Parque de Rosalía, muda de lugar debido ao prognóstico de choiva. É o cuarto pase que se fai da actividade, organizada pola área da Xuventude e a Casa da Muller co obxectivo de que as crianzas adquiran dende ben pequenas modelos de comportamentos baseados na igualdade positiva e no rexeitamento do sexismo.