EFE | O Concello de Lugo adxudicou o contrato para peonalizar A Mosqueira, a zona da Rolda da Muralla que se corresponde coa parte máis emblemática do monumento Patrimonio da Humanidade. A obra foi adxudicada á empresa Hermanos Pico Yáñez, por un importe de 588.836 euros e un prazo de execución de oito meses.
O resultado dese proxecto será “unha praza multiusos, con zonas verdes e espazo para a realización de actividades culturais e de lecer”, que “respectará a visión dos arcos da Mosqueira e do edificio racionalista de arquitecto Eloy Maquieira”. O goberno municipal espera que as obras comecen nos primeiros meses de 2021.
“Este proxecto será o espello de como se pode humanizar a contorna do monumento máis importante de Lugo coa retirada de vehículos”, dixo o tenente de alcalde e responsable de Mobilidade, Rubén Arroxo.
