- Advertisement -
A Garda Civil detivo no municipio de Lugo a tres veciños da capital luguesa de 22, 25 e 32 anos de idade como presuntos autores dun delito de furto pola subtracción de material nas obras dunha estrada das Nogais.
Os feitos tiveron lugar o pasado mes de outubro nunhas obras que se realizaban na estrada N-VI. O material foi localizado á venda nun establecemento comercial da Coruña. Segundo indicaron fontes da Benemérita, os detidos foron postos a disposición xudicial.
