O Tribunal Superior de Xustiza de Galicia (TSXG) aceptou en parte a solicitude de medidas cauterales presentada polos sindicatos CC OO, CIG e UGT contra o expediente de regulación de emprego (ERE) presentado por Alcoa na planta de aluminio de San Cibrao.
A resolución ordénalle á empresa “absterse de levar a cabo calquera actuación dirixida a facer efectiva a parada de cubas“. A Sala entende que a empresa si pode executar os despedimentos, pero debe manter a maquinaria activa por se o ERE fose considerado nulo.
Esta foi a petición estimada de entre as que demandaban os sindicatos. Tamén reclamaban a intervención ou a administración xudicial dos bens produtivos por parte da Sociedade Estatal de Participacións Industriais (SEPI) durante o tempo que dure o proceso de impugnación do despedimento colectivo e mentres non haxa sentenza xudicial firme. Porén, o TSXG observa que esta medida sería “desproporcionada”.
