InicioEconomíaOu hai axudas para o sector cárnico ou a crise será imparable,...

Ou hai axudas para o sector cárnico ou a crise será imparable, di Fruga

PUBLICADA O

- Advertisement -

O coordinador en Lugo da Federación Rural Galega (Fruga), Elías Somoza, pediu a intervención da Xunta, a través de “axudas ou compensacións”, para tentar frear a caída dos prezos que sofre o sector cárnico de vacún, con máis de 10.000 explotacións censadas en Galicia.

Isto provocou que dito sector estea “a sufrir unha crise importante, con baixadas de prezos que roldan un euro por quilo canle, que son baixadas inxustificadas porque Tenreira Galega Suprema ten certa demanda”, sinalou.

Somoza subliñou “a importancia que ten o sector cárnico en Galicia, especialmente en moitas zonas como pode ser a montaña de Lugo, a montaña de Ourense, A Fonsagrada, Lugo centro, a comarca de Sarria ou Terra Chá, onde nalgúns casos esta é a única actividade que hai”.

Ademais, reivindicou que “onde hai pastoreo, onde saen as vacas a pacer, onde realmente hai actividade agrogandeira o risco de incendios é menor e iso púidose ver este ano, nunha provincia que está cun abandono moi forte como é a provincia de Ourense onde os incendios se propagan con máis facilidade”.

Por iso, finalmente Elías Somoza apelou a que “hai que tomar cartas no asunto e arbitrar algún sistema de axudas (por parte do Goberno galego) que poida liquidar esta crise que sofre o sector cárnico”. “De non ser así moitas explotacións veranse abocadas ao peche, o cal significa maior desertización e maior risco de incendios”, concluíu.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...