A xuíza Pilar de Lara prepárase para concursar e retomar a súa actividade xudicial, coa mirada posta en Cataluña, a pouco máis dun mes de que expire a sanción de sete meses e un día por parte do Consello Xeral do Poder Xudicial.

De Lara cumpre sanción desde marzo, imposta por dilacións indebidas nas múltiples causas que levaba. Agora, segundo o seu avogado, Agustín Azparren, a maxistrada tentará optar ao primeiro concurso de prazas , “unha vez que cumprise a sanción completa”. “Isto hai que solicitalo pouco antes que venza o prazo de suspensión”, concreta.

Esta solicitude “xa está encamiñada”, engadiu, para explicar que “despois de que estea no concurso e unha vez lle dean praza xa podería volver concursar coa súa antigüidade”, matizou, posto que de momento non sería posible.

De Lara asume “un traslado de moitos quilómetros respecto da súa residencia ou domicilio habitual”, dando por bo que finalmente acabará en “Cataluña”. Despois de que a Audiencia Provincial de Lugo tombase algunhas das investigacións que levaba, a última a ‘operación Polbo’, Azparren deduciu “que iso é unha cousa que ela asumía que podía pasar”. “Tampouco creo que lle estrañe moito”, conclúe.