O Club Deportivo Lugo e a Sociedade Deportiva Huesca confirmaron o traspaso do dianteiro Dani Escriche. Asina por catro tempadas, mais xogará cedido na vindeira campaña no Lugo. Escriche, de 20 anos, chegou ao club lucense en 2016. Competiu habitualmente co filial, en Preferente.

Escriche debutou en Segunda División o 27 de maio de 2017 precisamente en Huesca defendendo a camiseta do Club Deportivo Lugo. Xogou 15 minutos. A pasada tempada, competiu en 12 partidos de Liga e 1 de Copa marcando 2 goles. Foi titular nas derradeiras 6 xornadas.

Emilio Viqueira, director deportivo do Club Deportivo Lugo, afirmou que non haberá cláusula de partidos xogados por parte de Dani Escriche esta tempada na súa cesión en Lugo.