A Policía Local de Lugo denunciou un veciño de Córdoba por non xustificar a súa presenza na capital luguesa durante o estado de alarma ao estar restrinxidos os desprazamentos entre comunidades.

Segundo informou a Policía Local, este home foi identificado o marco dos dispositivos de seguridade para velar polo cumprimento das limitacións sobre circulación de persoas e vehículos.

En concreto, os axentes tramitaron acta por infracción á Lei Orgánica de Protección da Seguridade Cidadá a un home, con residencia na cidade de Córdoba, sorprendido na Praza de Santo Domingo de Lugo ás 3,00 horas “sen xustificar o desprazamento desde a comunidade autónoma de Andalucía á de Galicia”.

Por iso, foi proposta unha sanción de 601 a 30.000 euros para este home pola súa presenza inxustificada na cidade de Lugo.