- Advertisement -
O tenente de alcalde e responsable da área de Mobilidade de Lugo, Rubén Arroxo, pediu este sábado aos veciños que realicen deporte ou paseen polo percorrido da Muralla, que o realicen en sentido anti-horario, co obxectivo de evitar as cruces entre eles.
“Trátase dun chamamento cívico á veciñanza, dunha recomendación para reducir ao máximo as posibilidades de contaxio entre os veciños”, dixo o edil, que aclarou que “ao non ser un deber, o seu incumprimento non se sancionará”.
A pesar de non ser unha cuestión obrigatoria, Rubén Arroxo pediu aos veciños de Lugo “que sigan sendo un exemplo de actuación nesta nova etapa da crise do COVID-19”.
