Galicia estará baixo o aviso de alerta amarela a partir desta tarde de domingo, que afectará ás montañas de Lugo e Ourense por acumulación de neve e ao litoral coruñés por forte ondada.

Meteogalicia activiará este aviso a partir das 15,00 horas deste domingo unha alerta que se prolongará ata esta medianoite tanto na montaña como na costa.

Será a entrada dunha masa de aire fría na comunidade a que deixe a cota de neve na montaña entre os 800 e os 1.000 metros durante a tarde e unha acumulación de neve superior aos 5 centímetros.

No mar, as ondas crecerán ao redor dos 4 metros no litoral noroeste ao final do día. En concreto, afectará as zonas de coruña noroeste e a Costa da Morte.