InicioSociedadeAtopan un condutor borracho durmido sobre o volante nun paso de peóns...

Atopan un condutor borracho durmido sobre o volante nun paso de peóns en Lugo

O home desprendía "un forte cheiro a alcol" e tiña "fala pastosa e ollos apagados".

PUBLICADA O

- Advertisement -

A Policía Local de Lugo interceptou un condutor ebrio semidurmido encima do volante. A furgoneta na que ía tiña o motor en marcha, aínda que estaba parada sobre unha beirarrúa e un paso de peóns.

Segundo relatou a Policía Local, axentes da Unidade Territorial de Policía de Barrio observaron o vehículo sobre as 22:40 horas deste martes.  As mesmas fontes destacaron que no interior deste vehículo, que tiña as luces acesas, atopábase o condutor “semidurmido, coa cabeza apoiada no volante”.

BAIXO OS EFECTOS DO ALCOL

Os axentes comprobaron que o individuo presentaba “unha acusada sintomatoloxía de inxesta previa de bebidas alcohólicas” con “fala pastosa, ollos apagados”. Ademais, desprendía “un forte cheiro a alcol”.

Nas probas de detección alcohólica, obtivo resultado positivo de 0,77 miligramos de alcol por litro de aire expirado. Por iso, instruíronse dilixencias por un delito contra a seguridade viaria na modalidade de xuízo rápido.

Ademais, o vehículo foi inmobilizado mediante acta entregada ao condutor. A Policía Local tamén comprobou, posteriormente, que o condutor quebrantara a inmobilización ordenada, polo que iniciou expediente sancionador por non respectar as ordes dos axentes da autoridade, o que implica unha multa de 200 euros e a retirada de catro puntos do carné.

ÚLTIMAS

Aprobada a licenza urbanística para ampliar as instalacións da protectora de animais

O Concello de Lugo completou este mércores o proceso administrativo necesario para legalizar e ampliar as...

Un vehículo choca contra outro tras circular en sentido contrario na A-6, ao seu paso por Lugo

Unha persoa resultou ferida tras unha colisión frontal de dous vehículos, un deles circulaba en...

Polémica en Lugo polas obras de conexión de Lugo con Sarria

A Xunta de Galicia respondeu ao alcalde de Lugo, Miguel Fernández, asegurando que non existe...

Deteñen un home en Lugo despois de agredir cun coitelo a un sobriño

A Policía Local de Lugo detivo na tarde do pasado luns, 13 de outubro,...