Unha muller resultou ferida este mediodía ao saírse da vía o coche que conducía por unha estrada local do municipio de Abadín, por mor da manobra evasiva que tivo que realizar para esquivar a un animal que irrompeu de súpeto na calzada.

O accidente produciuse ao redor das dúas da tarde, concretamente na estrada que comunica os núcleos de Baroncello e Moncelos, no municipio de Abadín.

O 112 mobilizou aos Bombeiros de Vilalba, á Policía Local e á Garda Civil de Tráfico, así como ao servizo de Urxencias Sanitarias-061, dado que a condutora do vehículo sinistrado resultou ferida por mor da saída de vía.

Até o lugar do sinistro desprazouse unha ambulancia asistencial e un equipo sanitario do 061 para prestar os primeiros auxilios á vítima e trasladala a un centro hospitalario.