O adverso meteorolóxico rexistrado na tarde-noite deste martes deixou máis de 2.300 raios en Galicia, dos máis de 4.600 contabilizados en España nunha xornada na que as precipitacións alcanzaron os 22,4 litros por metro cadrado en Cervantes.
Así consta nos rexistros de Meteogalicia, recollidos por Europa Press, nos que se reflicte que entre as 16,00 e as 20,00 horas deste martes foi a franxa na que máis raios se rexistraron en Galicia, concentrados na provincia de Ourense, así como en parte do interior da Coruña e de Lugo, así como de Pontevedra.
En zonas de montaña as precipitacións deixaron acumulados de 22,4 litros por metro cadrado en Cervantes, 17,7 en Baleira (Lugo), 16,9 en Carballeda de Valdeorras (Ourense), 13,9 no municipio ourensán de San Xoán de Río e 13,2 en Manzaneda, na mesma provincia.
O interior de Galicia viviu na tarde-noite do martes unha situación de meteoroloxía adversa que deixou intensas precipitacións, tanto en forma de choiva como de sarabia, no interior das provincias de Lugo e de Ourense. En zonas de montaña de Lugo tamén caeu “pedrazo”.
