O número de parados rexistrados nas oficinas dos servizos públicos de emprego (antigo Inem) subiu en 2.899 persoas en agosto en Galicia en relación con xullo, o que supón un incremento do 1,92%, algo superior ao rexistrado pola media estatal, segundo os datos que publica este martes o Ministerio de Traballo, Migracións e Seguridade Social.
Con todo, a provincia de Lugo foi a que menos subiu de toda Galicia ao rexistrar un incremento menor á media galega e estatal. Así perderon o traballo 205 prsoas, o que representa un 1,42%.
En relación co mesmo mes de 2018, a cifra de desempregados en Galicia descende en 10.604 persoas, o que representa unha caída do 6,45%, case o dobre da media, e o total sitúase en 153.820 parados na comunidade galega. Toda a información no Galicia Confidencial.
