Un home faleceu na tarde deste venres tras envorcar o tractor que conducía cando circulaba pola estrada LU-P-1608, no concello do Corgo  á altura da parroquia de San Pedro de Farnadeiros.

Fontes do 112 confirmaron a Europa Press que o accidente se produciu antes das 17.00 horas, cando o condutor se saíu da vía e acabou envorcado nunha leira contigua á estrada. O servizo de emerxencias recibiu a chamada de aviso dun particular ás 16.50 horas.

Ata alí desprazáronse os bombeiros de Sarria, a Garda Civil e unha ambulancia. Foron os sanitarios os que confirmaron a morte do home cando chegaron ao lugar do accidente.

E.P.

+ postsBio ⮌

This author does not have any more posts