É a única muller alcaldesa dunha das sete grandes cidades galegas e aspira repetir mandato cun modelo de cidade que pretende facer de Lugo o “Vancouver verde” de España para que os e as lucenses “estean orgullosas de ser de Lugo”. Un modelo, di, “que xa o está copiando a oposición” e no que recoñece o traballo de Orozco na primeira gran transformación da cidade.
Nunha entrevista no GC, segura que non ten problemas en tenderlle a man a outros partidos da esquerda para gobernar xuntos, como xa fixo na anterior lexislatura con BNG e Lugonovo, “que rexeitaron entón esa man”. O que ten claro é con quen non pactaría nin sentaría nunca a falar: Vox “Iso xa o fai o PP e Ciudadanos”, asegura.
Como nai lamenta que o traballo absorvente no concello lle impida conciliar e poder estar máis coa súa filla. “O pouco tempo que teño adícollo a ela pero eu non concilio”, asegura. “É un prezo duro que temos que pagar os que queremos, como é o meu caso, favorecer, precisamente, a conciliación de papás e mamás”. Podes ler toda a entrevista en Galicia Confidencial.
