InicioComarca da FonsagradaBaleiraDenuncian un vertedoiro ilegal de residuos industriais en Baleira

Denuncian un vertedoiro ilegal de residuos industriais en Baleira

PUBLICADA O

- Advertisement -

A asociación ecoloxista Verdegaia alertou da existencia dun vertedoiro “ilegal e incontrolado” de residuos industriais en Baleira (Lugo), concretamente nunha parcela próxima ao lugar das Castiñeiras, na parroquia de Fonteo.

Segundo Verdegaia, a parcela, designada como masa común nun proceso recente de concentración parcelaria, converteuse nunha “verdadeira mole na que se amorean pneumáticos, cascallos procedentes de construción e mesmo residuos perigosos como chapas de fribrocemento con amianto ou electrodomésticos“.

O volume e acumulación de residuos “é tal”, apuntan, que “xa se produciron desprendementos cara a unha estrada contigua, ante a absoluta inatención e descoido das administracións”.

Como masa común resultante do proceso de concentración parcelaria, destaca a asociación, a parcela é de titularidade pública e responsabilidade da Consellería do Medio Rural “que, con todo, deixa moitos destes terreos en estado de grave abandono, converténdose en potenciais focos incendiarios ou vertedoiros ilegais como ilustra este caso”.

Os veciños cursan, desde hai un ano, “diversas e repetidas” denuncias e reclamacións ante as consellerías competentes, o Seprona e o Concello de Baleira, aínda que non se tomou “ningunha medida correctora”.

Por iso, Verdegaia anunciou que interpoñerá en datas próximas denuncia formal ante a Fiscalía de Medio Ambiente para que se identifiquen as empresas e persoas responsables das verteduras, así como responsabilidades administrativas.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...