InicioEconomíaO Concello de Vilalba solicita unha subvención para acondicionar rúas do polígono...

O Concello de Vilalba solicita unha subvención para acondicionar rúas do polígono industrial

O goberno presentará o proxecto ante a Consellería para que financie o 80% das actuacións de reforzo do firme e sinalización da zona.

PUBLICADA O

- Advertisement -

O goberno local de Vilalba solicita á Consellería de Economía, Emprego e Industria unha subvención para o reforzo de firme e sinalización nalgunhas rúas do parque empresarial Sete Pontes. O anteproxecto presentado ten un custo total de 149.977’33 euros, dos cales lle pedirán á Xunta que sufrague o 80%. A cantidade restante dependerá das arcas municipais.

Segundo informan dende o Concello, algunhas rúas do Parque industrial presentan claras deficiencias debido á intensidade e á tipoloxía de tráfico que circula por elas. Concretamente, falan das rúas do Castiñeiro, Salgueiro e Acivro, principais vías de acceso ao polígono.

O concelleiro Luis Fernández explicou que o anteproxecto contempla un reforzo do firme con aglomerado en quente, de maneira que se eliminarían as deformacións que existen a día de hoxe e conseguiríase impermeabilizar toda a superficie.

No que atinxe á sinalización, o plan recolle a pintada de vías lonxitudinais nos bordes e centros da calzada, de maneira que queden perfectamente indicaddas as zonas de aparcamento, frechas, pasos de peóns, etc. Ademais, tamén se reporían os sinais de STOP, ceda ao paso ou límites de velocidade.

ÚLTIMAS

Foxe á carreira tras ser interceptado conducindo sen carné e tras consumir alcol e drogas

Un home de 31 anos de idade deuse á fuga na madrugada deste martes en Lugo...

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...