Catro feridos, un deles menor, no choque entre dous turismos en Portomarín

Un choque entre dos turismos deixou catro feridos, entre eles un menor, en Portomarín. O accidente aconteceu contra as 10.30 deste sábado na N-540, á altura da saída de Nespereira.

Foi a esa hora cando un particular alertou ao 112 Galicia do choque. O informante asegurou que semellaba non haber feridos, e que os coches entorpecían a circulación.

Con esta información, os xestores do Centro Integrado de Atención ás Emerxencias (CIAE) contactaron coa Garda Civil de Tráfico, a Protección Civil de Portomarín, o GES de Monterroso e os Bombeiros de Chantada.

Os catro afectados foron trasladados

Foi o Grupo de Emerxencias Supramunicipal o primeiro en persoarse, segundo o relato da Axencia Galega de Emerxencias. Os voluntarios pediron asistencia sanitaria para un dos afectados, un menor de idade. Deseguido solicitouse a presenza das urxencias sanitarias do 061 para asistir nas secuelas do choque.

Finalmente, as catro persoas resultaron trasladadas por precaución, aínda que o pronóstico non revestía gravidade en ningún caso, como confirmaron os membros do GES de Monterroso.