Multados en Lugo por fumar sen gardar a distancia de seguridade

As mesas das terrazas deben estar separadas por dous metros | LX

A Policía Local de Lugo informou de que este mércores, no marco das restricións pola pandemia, levantou dúas actas denuncia ao sorprender a dous cidadáns que consumían tabaco nun espazo público sen gardar a distancia de dous metros con outras persoas. A infracción foi detectada na Praciña do Colexio, sobre as 21,30 horas.

Segundo lembra a Policía Local nun comunicado, a normativa vixente fixa que o consumo de tabaco ou de cigarros electrónicos na vía pública ou espazos ao aire libre, incluídas as terrazas, só poderase exceptuar da obrigación do uso de máscara, e exclusivamente durante o indicado consumo, sempre que, “tendo en conta a posible concorrencia de persoas e as dimensións do lugar, se poida garantir o mantemento en todo momento, da distancia de dous metros con outras persoas”.