A Policía Local de Lugo denunciou un local de lecer da cidade por exceder o horario establecido tras unha inspección na que se constatou que tiña a capacidade case completa.

Segundo relatou a Policía Local, ás 5,10 horas do pasado 1 de agosto unha patrulla da Unidade Territorial de Policía de Barrio observou que un establecemento na rúa Catedral “atopábase aberto ao público, coa capacidade case completa e música con volume elevado”, polo que realizaron as comprobacións relativas a licenza de actividade.

Deste xeito, os axentes constataron que o local “debería estar pechado e desaloxado”. Por todo iso, este establecemento foi denunciado “por exceder o horario establecido”.

Por outra banda, ás 20,30 horas do domingo 2 de agosto avisouse á Policía Local de molestias pola música procedente dun local de rúa Concepción Arenal. Unha patrulla constatou no lugar que este establecemento non estaba autorizado a utilizar equipo reprodutor de son, motivo polo que se confeccionou denuncia.

Ademais, ás 1,00 horas do domingo 2 de agosto recibiuse unha queixa polas molestias que producían o volume da música procedente dun local da rúa Salvador de Madariaga. Ao chegar a patrulla comprobou que a música cesara, a pesar do que se puxeron en contacto co encargado do local para advertirlle das queixas recibidas.