Os bombeiros de Vilalba tivéronse que desprazar este domingo ao veciño municipio de Abadín para apagar un incendio declarado no interior dunha casa na que se están facendo reformas e cuxo orixe se está investigando.

A vivenda, ao estar en obras, non estaba habitada e só se rexistraron danos materiais. En concreto, arderon papeis, roupa e algún moble de madeira e producíronse danos nunha xanela.

Os bombeiros sinalaron ao 112 Galicia que detectaron o foco do lume na entrada da vivenda. O aviso do incendio foi recibido ás 11:00 horas deste domingo a través da chamada dun particular, que xa informou de que ninguén reside na actualidade nesa vivenda. O 112 puxo os feitos en coñecemento dos bombeiros de Vilalba, a Garda Civil e o persoal do Concello.