Unha persoa foi liberada do interior do coche no que circulaba ao saírse da vía na mañá deste xoves no termo municipal lucense de Xermade.

Segundo informou o 112 Galicia, o sinistro tivo lugar no punto quilométrico 16,500 da estrada LU-861 sobre as 6,00 horas deste xoves. O persoal do 112 Galicia puxo a situación en coñecemento do 061, da Garda Civil de Tráfico e dos Bombeiros de Vilalba, así como de Protección Civil e do servizo de mantemento da estrada.

Unha vez no lugar do accidente, os membros do Servizo de Prevención, Extinción de Incendios e Salvamento de Vilalba liberaron á persoa do interior do vehículo, que foi evacuada nunha ambulancia a un centro sanitario.

E.P.

+ postsBio ⮌

• E.P.

  O PP aproba no Senado unha iniciativa para a rehabilitación do mosteiro de Vilar de Donas
• E.P.

  Consideran “consistente” a declaración dunha das nenas que denunciaron un profesor por presunta agresión sexual
• E.P.

  Sometido a información pública o proxecto de trazado para mellorar a seguridade no Camiño do Norte
• E.P.

  O PP de Cervantes trasládalle á Xunta a “preocupación” pola atención médica na zona