InicioSociedadeSoben os hospitalizados e os casos Covid na provincia de Lugo

Soben os hospitalizados e os casos Covid na provincia de Lugo

O número total de casos activos é de 1.252.

PUBLICADA O

- Advertisement -

As persoas hospitalizadas pola Covid-19 volven superar os 500 en Galicia ao aumentar a 517, que implican 20 máis que no inicio desta semana, mentres que os casos activos descenden por segunda xornada consecutiva ata os 10.420, que supoñen 86 menos, tras detectarse 919 novos contaxios. En canto á taxa de positividade, descende a un 32,6 por cento no conxunto de Galicia.

Segundo os datos actualizados este martes pola Consellería de Sanidade, con rexistros ata as 18,00 horas do luns, recollidos por Europa Press, aumentan a 15 os pacientes en UCI pola Covid-19 en Galicia –un máis– e a 502 os hospitalizados noutras unidades –19 máis–, mentres que 9.903 pacientes permanecen en seguimento no seu domicilio. Hai unha semana, o martes 14 de xuño, había 430 ingresados, 15 deles en UCI.

Por áreas sanitarias, a presión hospitalaria incrementase na de Lugo, con dous pacientes hospitalizados pola Covid en UCI –un máis– e soben a 62 os ingresados noutras unidades por este coronavirus –dous máis–.

CASOS EN ASCENSO

Por segunda xornada consecutiva os casos activos de Covid-19 descenden ata situarse nos 10.420, que implican 86 menos, ao haber máis altas (1.001) que contaxios (919), ao que se suman catro falecementos. O martes 14 de xuño había 8.976 infeccións activas. Por áreas, os casos soben en Lugo (+35), co que o número total de casos activos é de 1.252.

ÚLTIMAS

Cae unha rede que extorsionaba homes en webs de citas sexuais

A Garda Civil detivo a unha persoa e investiga a outro catro acusadas de...

Prosegue a procura da anciá de 85 anos desaparecida hai unha semana no barrio de Montirón

A Policía Nacional continúa dirixindo a procura de Isaura, a anciá de 85 anos que non volveu...

O PP de Lugo pide ao Goberno aclarar se abrirá este verán un novo tramo da A-54

Os senadores do PP de Lugo --José Manuel Barreiro, José Manuel Balseiro e Juan Serrano-- pediron...

Perdera o carné por orde xudicial e seguía conducindo

A Policía Local de Lugo denunciou, por un delito contra a seguridade viaria, a...