As Terras de Burón promocionan na rede os seus encantos e recursos

A Fonsagrada, Negueira de Muñiz e Ribeira de Piquín lanzan un portal web que recolle a súa oferta gastronómica, turística, natural, histórica...

Serra de Busbeirón, en Negueira de Muñiz | terrasdeburon.es

Os concellos da Fonsagrada, Ribeira de Piquín e Negueira de Muñiz únense para promocionarse na rede. O novo portal terrasdeburon.es pretende visibilizar conxuntamente a súa oferta turística e hostaleira, actividades de lecer, gastronomía, cultura… A iniciativa conta co impulso dos fondos do Plan Único da Deputación.

O presidente provincial, José Tomé, resaltou a importancia de traballar pola promoción do territorio especialmente nun momento como o actual. “En primeiro lugar, para apoiar os sectores económicos máis afectados polas restricións sanitarias”, dixo, para logo engadir que “tamén é unha aposta de futuro para o rural porque a crise fixo que o turismo de natureza estea en alza”.

O mandatario asegurou que “a presencia con nome propio na web é unha ferramenta moi importante para promocionar conxuntamente a enorme riqueza patrimonial, os atractivos e os establecementos turísticos e hostaleiros dos concellos que conforman Terras de Burón”.

DEIXAR UN COMENTARIO

Please enter your comment!
Please enter your name here