A área sanitaria de Lugo mantén a tendencia de descenso nos casos activos por coronavirus: hoxe rexístranse 282, 22 menos ca no día de onte. O número de positivos detectados nas últimas 24 horas tamén continúa baixo: foron 13.
O dato máis favorable extráese da melloría nos hospitais, que ven reducida a súa presión asistencial ao pasar dos 33 ingresos de onte aos 28 de hoxe (-5). Deles, 22 están en planta (14 no Hula, 2 na Mariña, 6 en Monforte) e outros 6 permanecen na unidade de críticos do hospital da capital lucense.
Dende o inicio da pandemia, faleceron en Lugo 208 persoas que foran diagnosticadas por coronavirus, curáronse 11.308 e realizáronse 192.364 probas PCR.
GALICIA
Os datos para o conxunto galego amosan un descenso significativo das hospitalizacións (369, o que son 29 menos ca na xornada anterior), mais tamén unha repunta dos contaxios confirmados nas últimas 24 horas (152). Podes ler a información completa no Galicia Confidencial.