InicioSociedadeA Xunta crea unha área de rehabilitación integral en Castro de Rei

A Xunta crea unha área de rehabilitación integral en Castro de Rei

Os propietarios dos inmobles incluídos neste ámbito poderán acceder a axudas de ata 24.000 euros por vivenda para a rehabilitación da mesma.

PUBLICADA O

- Advertisement -

A Xunta de Galicia aprobou este xoves no Consello a declaración dunha área de rehabilitación integral (ARI) en Castro de Rei, de modo que se dotará dunha especial protección a doce rúas e lugares do concello que suman 13 hectáreas.

Contar cunha área de rehabilitación supón que veciños e Concello poden beneficiarse das axudas recollidas neste programa, cuxa próxima convocatoria se publicará no mes de marzo cun orzamento de máis de 3,5 millóns de euros.

Neste caso, a ARI de Castro de Rei inclúe 88 inmobles (67 de carácter residencial). Deles, hai 55 que son susceptibles de ser renovadas ou rehabilitadas. Así pois, as persoas que sexan propietarias dalgún destes inmobles, e que desexen rehabilitalos, poderán acceder a incentivos de ata 24.000 euros por vivenda. Tamén o Concello poderá beneficiarse de axudas para actuacións de urbanización e reurbanización de espazos públicos no ámbito da ARI.

En concreto, o ámbito de rehabilitación comprende as seguintes rúas e lugares de Castro: Poeta Aquilino Iglesias Alvariño, camiño de Circunvalación, Praza da Igrexa, Alcalde Emilio Sinde Niego, a Praza maior, Manuel Becerra e Bermúdez, Camiño de Samesugueiras e o lugar de Portomuiño.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...