Seguen baixando os casos activos en Lugo tras os focos do Incio e Outeiro de Rei

Unha sanitaria, antes de realizar un test de coronavirus no Hospital Público da Mariña | EFE - Eliseo Trigo

Galicia detectou 253 novos positivos por COVID-19 en 24 horas, unha cifra maior aos 209 contaxios notificados o luns. En canto aos casos activos, volveron a aumentar, ata 4.301, tras encadear xornadas de descenso. Con todo, na provincia de Lugo seguen baixando os casos activos.

Segundo os datos feitos públicos este martes pola Consellería de Sanidade, con cifras actualizadas a última hora do luns, hai 772 casos activos na provincia, 21 menos que o luns.  Deles, 4 están na UCI e 57 hospitalizados en distintos centros de Lugo, A Mariña e Monforte.

En Galicia, o número de persoas curadas aumentou nun día en 211, ata o total de 15.651 desde o inicio da pandemia. Ademais, as mortes subiron en cinco con respecto ao parte ofrecido este luns, polo que as vítimas mortais que deixa o coronavirus na Comunidade son un total de 694.

DEIXAR UN COMENTARIO

Please enter your comment!
Please enter your name here