Falecen tres persoas que foran diagnosticadas por COVID-19

Son tres mulleres, dúas delas ligadas á residencia de Outeiro de Rei. A terceira vítima estaba ingresada na clínica POLUSA.

Hospital Universitario Lucus Augusti (HULA) | LX

Trátase dunha muller de 87 anos que estaba ingresada no HULA e unha muller de 80 anos tamén ingresada no HULA, ambas procedentes da residencia de Outeiro de Rei.

Tamén faleceu unha muller de 88 anos ingresada en POLUSA. Todas presentaban patoloxías previas.

A Consellería de Sanidade notificou que con estes tres falecementos, as mortes  por COVID en Galicia son xa 692.

Desde o comezo da ‘nova normalidade’, o número de pacientes falecidos coa enfermidade en Galicia é de 73 persoas, tras a morte dunha muller o 7 de agosto. Antes diso, a Comunidade encadeara case dous meses –desde o 10 de xuño– sen decesos relacionados co coronavirus.

O maior balance de falecidos dos últimos meses notificouse o pasado mércores, cando Sanidade informou dun total de sete. A última vez que se superou esta cifra foi o pasado 5 de maio, con nove decesos.

 

 

DEIXAR UN COMENTARIO

Please enter your comment!
Please enter your name here