O foco de COVID-19 detectado en Vilalba sumou outros dous positivos, aínda que no concello veciño de Xermade, que son familiares das persoas ás que se lles diagnosticou a enfermidade inicialmente.
A alcaldesa de Vilalba, Elba Veleiro, explicou que todos os infectados, que na actualidade son seis, coincidiron hai uns días nunha comida familiar en Cabreiros, en Xermade, e que agora dúas desas persoas, residentes alí, deron positivo tamén.
Tanto os catro afectados de Vilalba como os dous de Xermade están ben e están no seu domicilio illados e con seguimento médico.