Aumento dos casos de coronavirus en Lugo, que alcanza os 31

Saúde Pública investiga a relación entre dous focos na Mariña que elevarían o número de casos detectados no brote ata 18.

Hospitalización do HULA | Sergas
Corredor de hospital | Sergas

A área sanitaria de Lugo rexistra este venres 26 de xuño 31 casos activos por coronavirus, catro máis ca os contabilizados no informe do Sergas de onte. Esta repunta débese aos novos positivos que se detectaron na comarca da Mariña, tres deles relacionados co núcleo familiar onde xurdiu un rebrote.

Dos 31 pacientes positivos, dous están hospitalizados (no HULA e no Hospital da Mariña), mentres que o resto evolucionan nas súas casas.

BROTE DA MARIÑA

Respecto do rebrote de coronavirus no concello de Xove, a Consellería de Sanidade estuda agora, a través de Saúde Pública, a relación entre ese foco e outro detectado na mesma comarca. De confirmarse o vínculo, elevaríanse a 18 os casos positivos vencellados a tal brote.

De momento, “na fase de control de contactos” documentáronse 11 casos directos, segundo afirmou o conselleiro de Sanidade, Jesús Vázquez Almuíña. “Hai dous núcleos na mesma Mariña que, posiblemente, estean relacionados”, sostivo. “Estamos facendo os estudos de contactos e facendo probas diagnósticas”.

GALICIA

Pola súa banda, os datos para Galicia refiren 311 casos, o que supón un descenso de 22 respecto de onte ao ter en conta as altas epidemiolóxicas. Catro persoas están hospitalizadas —ningunha na UCI— e 307 seguen baixo atención hospitalaria a domicilio. Dende o inicio da pandemia, en Galicia faleceron 619 persoas.

DEIXAR UN COMENTARIO

Please enter your comment!
Please enter your name here