InicioSociedadeOs casos activos en Lugo baixan a 72, con tres pacientes en...

Os casos activos en Lugo baixan a 72, con tres pacientes en Coidados Intensivos

Outras dúas persoas están hospitalizadas en planta. Entre elas, o primeiro paciente que fora ingresado na unidade de críticos con coronavirus hai 63 días.

PUBLICADA O

- Advertisement -

Continúan baixando os casos de coronavirus na área sanitaria de Lugo. Este martes 19 de maio, Sanidade informa de 72 positivos activos, tres menos ca no día de onte. Deles, tres permanecen na UCI do Hospital Universitario Lucus Augusti e outros dous están hospitalizados en planta. O resto de pacientes positivos, 67, permanecen baixo atención hospitalaria a domicilio.

De feito, no día de onte foi trasladado a unha unidade de hospitalización o primeiro paciente con coronavirus na Unidade de Coidados Intensivos do HULA logo de 63 días ingresado. O home, natural de Becerreá e residente en Suíza, viaxara ao aeroporto de Barajas (Madrid) dende o país alpino a principios de marzo. O día 14 foi diagnosticado coa COVID-19 e xa non saíu da UCI ata este luns.

O hospital público da capital lucense é o único da provincia que ten casos de coronavirus en activo. Ata o momento, Lugo rexistrou 27 falecementos e xa se documentaron 831 altas.

GALICIA

A nivel galego, a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 1.136, dos cales 15 permanecen en Uci, 92 están en unidades de hospitalización e 1.029 no domicilio. Polo de agora, en Galicia hai un total de 9.281 persoas curadas e producíronse 607 falecementos. O número de PCR realizadas é de 127.359.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...