O falecido no HULA padecía patoloxías previas que se agravaron co contaxio por coronavirus. Tiña 91 anos e xunto a outras tres persoas, fan un total de 65 mortes pola epidemia da COVID-19 en Galicia.

Segundo informan fontes da Consellería de Sanidade, o outro falecido tiña 74 anos e estaba ingresado no Complexo Hospitalario Universitario de Santiago (CHUS). Pola súa banda, as dúas mulleres falecidas con COVID-19 tiñan 80 e 81 anos e permanecían no Complexo Hospitalario Universitario da Coruña (Chuac) e no Hospital A Rosaleda de Santiago.

Ademais, nas primeiras horas deste sábado coñecíase a morte doutro home de 82 anos ingresado con coronavirus no CHUS e que contaba con patoloxías previas.

Con todos eles, o cómputo de vítimas mortais da epidemia do COVID-19 na Comunidade galega elévase a 65 despois de que este sábado volvésense a rexistrar dez falecidos, a maior cifra de mortes nun só día en Galicia.