EFE.- A Policía Local de Lugo tramitou nos tres últimos días 22 denuncias a outros tantos condutores que circulaban pola cidade cos seus vehículos a pesar das restricións impostas polo estado de alarma, decretado polo Goberno de España para frear a expansión do coronavirus.
Segundo informou este corpo de seguridade, axentes da Unidade Territorial de Policía de Barrio estableceron “diferentes dispositivos fixos e móbiles” na cidade nos últimos días e onte denunciaron a outros sete condutores, que se suman aos outros quince denunciados os días 17 e 18 de marzo.
Os axentes cursaron as correspondentes propostas de sanción para cada un dos denunciados, con multas que van desde os 601 aos 30.000 euros.