Interior saca a concurso o transporte de persoal da prisión de Monterroso por máis de 400.000 euros

As empresas interesadas poderán presentar as súas ofertas ata o próximo 21 de febreiro.

Funcionarios de prisións | RTVE

A Subdirección Xeral de Servizos Penais —dependente do Ministerio do Interior— sacou a concurso por 432.000 euros o transporte do persoal da prisión de Monterroso.

O Boletín Oficial do Estado (BOE) publicou este xoves o anuncio cos pregos de contratación. Este contrato terá duración de dous anos a partir de maio deste ano.

As empresas interesadas poderán presentar as súas ofertas ata o próximo 21 de febreiro. A modernización dos vehículos e o custo serán factores a ter en conta no concurso.