InicioSociedadeA investigación do crime machista da Pastoriza está á espera do informe...

A investigación do crime machista da Pastoriza está á espera do informe das autopsias

Todo apunta a que o home foi quen matou a súa muller antes de suicidarse na súa casa de Crecente.

PUBLICADA O

- Advertisement -

As pescudas sobre o ocorrido este sábado na Pastoriza apuntan a que, efectivamente, se trata dun crime machista e posterior suicidio do suposto asasino. Fontes próximas á investigación, que está a ser levada polo Xulgado de Mondoñedo, indicaron que se atopan á espera do informe definitivo das autopsias.

Para o Instituto Armado “todo apunta” a que o home, de 81 anos, matou a súa muller, de 79, na casa que compartían en Crecente. Logo diso, o presunto asasino suicidouse ao tirarse por unha fiestra da vivenda.

A causa sobre estas mortes está á espera do resultado definitivo das autopsias para ratificar que a muller faleceu dun golpe na cabeza e o home ao precipitarse por unha xanela.

FEITOS

Foi unha neta da parella quen localizou os corpos, pasadas as 20:00 horas do pasado sábado.  Supostamente, atopou a muller no interior da vivenda, cun golpe na cabeza.  Tamén presentaba coiteladas. Mentres, o cadáver do octoxenario foi achado no exterior da casa. Segundo indicaron fontes próximas á investigación, é posible que tentara cortarse cun coitelo antes de precipitarse pola fiestra para quitarse a vida.

Segundo da Delegación do Goberno en Galicia, non constaba ningún antecedente de malos tratos nin medidas cautelares na parella. O suceso investígase como un posible caso de violencia machista, así que, á espera da confirmación oficial, sería o primeiro feminicido do 2020 na Comunidade galega e o sexto en España.

ÚLTIMAS

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...

Un policía local de Lugo fóra de servizo practica un RCP e sálvalle a vida

Un policía local de Lugo que se atopaba fóra de servizo practicou unha manobra de...