InicioLugo e contornaO presidente da Deputación de Lugo declarará o 17 de xuño como...

O presidente da Deputación de Lugo declarará o 17 de xuño como investigado por unha licenza de obras como alcalde

A denuncia sae do irmán de alguén que ía "na candidatura de Galicia Sempre" en Meira, nova marca política de Manuel Martínez, que mantén un enfrontamento co executivo provincial, Darío Campos, desde o inicio da lexislatura en 2015.

PUBLICADA O

- Advertisement -

O Xulgado de Primeira Instancia e Instrución número 2 de Mondoñedo cambiou a citación a declarar como investigado ao presidente da Deputación de Lugo, Darío Campos (PSOE), por un suposto delito de prevaricación administrativa en relación á denegación dunha licenza de obras como alcalde da Pontenova.

Segundo consta nunha providencia, a xuíza accede á petición e suspende a declaración de Darío Campos e Vicente Pastor do 13 de xuño ás 12,30 horas e sinálaa de novo para o día 17 do mesmo mes ás 10,00 horas.

Ademais de Campos, tamén foi chamado a declarar como investigado o secretario do municipio lucense da Pontenova, Vicente Pastor, segundo figura na providencia da xuíza Ana María Bande Ramudo.

INFORMES DESFAVORABLES

Por parte do Concello da Pontenova sinalouse que dita denuncia prodúcese despois de “denegar unha licenza de obras” debido a que “contaba cos informes técnicos desfavorables”.

Igualmente, fontes do municipio apuntan a que a denuncia sae do irmán de alguén que ía “na candidatura de Galicia Sempre” en Meira, que é a nova marca política de Manuel Martínez, o alcalde exsocialista de Becerreá e deputado non adscrito na Deputación de Lugo que mantén un enfrontamento co executivo provincial desde o inicio da lexislatura en 2015.

Martínez permitiu a investidura da alcaldesa de Mondoñedo, a popular Elena Candia, despois de que o PSdeG decidise non apostar por el para presidir a institución ante o veto do BNG pola imputación do alcalde de Becerreá –o caso foi arquivado en 2016–.

Posteriormente, despois de que unha moción de censura leva a Darío Campos a dirixir a Deputación de Lugo, Manuel Martínez rompeu a disciplina de voto dos socialistas en diversas ocasións co que favoreceu, por exemplo, que as competencias sobre as residencias foran para Suplusa –onde ten maioría o PP–. Todo iso levouno a ser expulsado do PSOE e á súa substitución como vicepresidente provincial.

Martínez manifestou, en relación o cambio da citación para declarar de Darío Campos, que “sería a segunda vez que o fai”. “Todo fai indicar que está a esperar a que constitúan as corporacións”, sentenciou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...