O Concello de Lugo instou á Xunta a limpar a Muralla e a “cumprir as súas obrigacións” de conservación deste ben mundial.

O portavoz do goberno local, Miguel Fernández, demanda ao Executivo autonómico que realice os traballos ordinarios de conservación da Muralla ao ser de “a súa competencia”, de forma que actúe “o máis pronto posible para emendar a imaxe de abandono que está a ocasionar numerosas queixas dos veciños“.

En concreto, afea o estado no que se atopa o adarve e o estado que presentan “moitos dos cubos”, polo que carga contra o “deixamento absoluto” da Xunta, xusto cando se relaxan as restricións e espérase a chegada de turistas á cidade.