InicioLugo e contornaLugoMellorar a frecuencia de buses ao HULA: a proposta coa que se...

Mellorar a frecuencia de buses ao HULA: a proposta coa que se estrea a Mesa do Transporte Público

Nesta primeira xuntanza tamén se valorou a necesidade de aumentar liñas ao polígono das Gándaras .

PUBLICADA O

- Advertisement -

A Mesa do Transporte Público quedou constituída na mañá deste martes. O Tenente de Alcalde, Rubén Arroxo, presidiu a primeira xuntanza, na que  participaron representantes de todos os grupos municipais, e na que se analizou de novas liñas que fixo a empresa concesionaria. Entre as suxerencias, destaca a mellora das conexións ao Hospital Universitario Lucus Augusti.

A nova proposta da empresa concesionaria incrementaría nun 19% as liñas de bus urbano. Ademais, reforzaría as conexións co polígono das Gándaras e melloraría as frecuencias das conexións norte – sur e do HULA. Segundo Arroxo, “esta proposta, cunhas pequenas modificacións, cumprirá coa visión do transporte público que temos dende a área de Mobilidade, e agardamos ter un consenso co resto de grupos nas próximas xuntanzas”.

Arroxo salientou que coa celebración desta primeira reunión, os responsables da área de Mobilidade cumpriron co compromiso de convocar esta mesa durante o primeiro mes do goberno. “Debe ser a primeira vez que se cumpre un acordo plenario antes de que chegue ao pleno”.

MESA DE MOBILIDADE

Rubén Arroxo indicou que estas xuntanzas continuarán unha vez se acorden as liñas do transporte público. “A mobilidade é unha peza estratéxica para o concello”, afirmou o Tenente de Alcalde, “apostamos por unha transformación importante no servizo [de bus urbano] co fin de conseguir reducir o tráfico en Lugo e unha mobilidade máis sostible”.

O nacionalista engadiu que, “no futuro, esta mesa de Transporte Público converterase na mesa de Mobilidade para chegar a acordos  co resto de grupos  e converter Lugo nun referente desta materia”.

 

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...