InicioLugo e contornaLugoAgredidos uns policías tras intermediar nunha agresión machista

Agredidos uns policías tras intermediar nunha agresión machista

Foron os dous membros da parella, home e muller, os que os atacaron.

PUBLICADA O

- Advertisement -

Tres axentes do Corpo Nacional de Policía (CNP) que o pasado domingo interviñeron para evitar unha suposta agresión machista no interior dunha vivenda na rúa Mariscal Pardo de Cela, na zona de Fingoi, en Lugo, foron agredidos polos dous membros da parella cando accederon ao interior da vivenda por unha xanela.

Os axentes desprazáronse a ese domicilio despois de que os veciños alertasen xa que, polos berros que se escoitaban no interior da vivenda, puidera estarse a producir unha agresión machista.

Fontes policiais explicaron a EFE, que os axentes escoitaron o “escándalo” que había no interior do piso, polo que chamaron á porta e identificáronse, pero ninguén abriu. Cando finalmente lograron acceder ao interior da casa, os dous mozos que supostamente se estaban pelexando entre eles agredíronos e increpáronos.

Os dous foron detidos, ela por atentado a axente da autoridade e el, ademais, por un suposto caso de violencia de xénero. Ambos, segundo as mesmas fontes, son “vellos coñecidos” da policía, onte pasaron a disposición da Xustiza e quedaron en liberdade con cargos.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...