InicioLugo e contornaLugoA lucense Isabel Pardo de Vera dá ao salto ao Goberno cunha...

A lucense Isabel Pardo de Vera dá ao salto ao Goberno cunha secretaría de estado

É directora xeral de Adif Alta Velocidade.

PUBLICADA O

- Advertisement -

A actual presidenta de Adif, Isabel Pardo de Vera, será a nova secretaria de Estado de Transportes, Mobilidade e Axenda Urbana, en substitución de Pedro Saura, segundo confirmaron a Europa Press fontes de Adif.  Este cambio prodúcese apenas uns días despois da substitución acaecida no liderado do Ministerio, coa substitución do ministro José Luís Ábalos por Raquel Sánchez, quen agora terá como ‘man dereita’ á presidenta de Adif.

Nada en Lugo en 1975, é enxeñeira de Camiños, Canles e Portos pola Universidade da Coruña, ademais de completar a súa formación en programas de desenvolvemento directivo en escolas de negocios e xestión de infraestruturas. Tras traballar no sector privado da enxeñaría e consultoría de proxectos de infraestruturas ferroviarias e de estradas, ingresou en Adif a través da Oferta de Emprego Público no ano 2007.

Ata 2015, desempeñou postos sucesivos de Dirección de Obra e xefa de Infraestrutura e xerente de Área na construción da liña de Alta Velocidade Madrid-Galicia. Ao termo dese ano, solicitou unha excedencia en Adif e pasou a ser directora de Mobilidade e Infraestruturas da Deputación de Pontevedra.

En xuño do ano 2016 reincorporouse ao ente ferroviario, compatibilizando o cargo de directora xeral de Explotación e Construción de Adif co de directora xeral de Adif Alta Velocidade, cargos que desempeñou ata a actualidade.

ÚLTIMAS

O BNG denuncia que a Xunta “siga marxinando” a Lugo, ao non reclamar un xulgado específico de violencia de xénero

O portavoz do BNG en Lugo, Rubén Arroxo, considerou como "unha nova marxinación" á cidade o anuncio...

O Concello de Rábade prepara un “reacollo estable” para os 13 membros da familia cuxa casa resultou calcinada

O Concello de Rábade ultima os trámites para poder ofrecer unha "reacollo estable" aos 13 membros,...

Detidos dous lucenses por estafar na contratación de seguros para turismos e motos

A Garda Civil detivo a dous veciños de Lugo, ambos de 42 anos, como...

Arrincan as rutas gratuítas polo románico da provincia cunha “alta participación”

As rutas gratuítas que organiza a Deputación de Lugo polo románico da provincia comezaron...