A área de Xuventude, que dirixe Ana González Abelleira, conmemora este sábado o nacemento da escritora Emilia Pardo Bazán cunha andaina pola igualdade. A actividade, que conta con 25 prazas dispoñibles, comezará ás 10:30 horas, terá como punto de partida os soportais do Concello, na Praza Maior, e estará dirixida pola guía local Lidia de la Fuente.
Así mesmo, para o próximo 19 de setembro, será Guido Álvarez Parga quen lidere outra camiñada, neste caso pola sostibilidade, coa que se pretende celebrar o Día Mundial da Limpeza. Neste caso, a marcha partirá tamén ás 10:30 horas pero do Parque Rosalía de Castro, diante do busto da autora.
Para participar nas mesmas, as persoas interesadas poderán inscribirse, de xeito provisional, a través do enderezo xuventude@lugo.gal, facilitando o nome, apelidos, data de nacemento e teléfono, achegando, con caracter obrigatorio, foto ou fotocopia do DNI/NIE/Pasaporte. As e os menores de idade irán acompañados por unha persoa adulta.
Terán prioridade aqueles mozos e mozas que estén empadroados en Lugo, despois aqueles que estuden ou traballen en Lugo e para finalizar, aqueles que vivan en concellos limítrofes.
